6 གསོ་བ་རིག་པ་དང་ཚེའི་རིག་བྱེད་ཀྱི་ཁྱད་པར་ལ་ཅུང་ཟད་དཔྱད་པ་ངང་པའི་བཞེད་སྒྲ།

                   མཁྱེན་བརྩེའི་ཆུ་གཏེར་གཏིང་མཐའ་དཔག་ཡས་ཤིང༌།།

                   ཐར་འདོད་ཀླུ་དབང་ཚོགས་ཀྱི་བསྟི་བའི་གནས།།

                   ཕན་བདེའི་རིན་ཆེན་མ་ལུས་འབྱུང་བའི་གཞི།།

                   བསྟན་འཛིན་རྒྱ་མཚོའི་ཞབས་པད་སྤྱི་བོས་བསྟེན།།

5 གཉན་རིམས་ཀྱི་སྐོར་ཅུང་ཟད་བཤད་པ་ཇོ་མོའི་ཞལ་ཆབ།

ཁོ་བོའི་དཔྱད་རྩོམ་ནི་ནད་ཐོག་རིག་པའི་ཁོངས་གཉན་རིམས་ཀྱི་སྐོར་ཡིན། སྤྱིར་གཉན་རིམས་ནི་ཆེས་སྔ་མོའི་རྒྱ་བོད་ཀྱི་གསོ་རིག་གི་གཞུང་རྣམས་ནས་དངོས་སུ་བསྟན་པ་མེད་ཅིང༌། དུས་རབས་བརྒྱད་པར་ཆོས་རྒྱལ་ཁྲི་སྲོང་དང་ཇོ་མོ་མཚོ་རྒྱལ་གྱིས་སློབ་དཔོན་རིན་པོ་ཆེར་འབྱུང་འགྱུར་གྱི་བདེ་སྡུག་རྣམས་ལུང་བསྟན་ཞུས་པར། དུས་ངན་ལྔ་བདོར་སྔ་ན་མ་གྲགས་པའི་ནད་རིགས་སྣ་ཚོགས་འབྱུང་བར་གསུངས་པ་རྣམས་ཀྱི་ཆེད་དུ་དེའི་བཅོས་ཐབས་གསུངས་པར་གསོལ་བ་བཏབ་པ་བཞིན་བདུད་རྩི་བུམ་པའི་རྩ་བཤད་ཀྱི་རྒྱུད་རྣམས་གསུངས་པ་ཇོ་མོས་ཡི་གེར་བཏབ་སྟེ་གཏེར་དུ་སྦས་པ་ཕྱིས་རིམ་པར་ལས་ཅན་གཏེར་སྟོན་འགས་གཏེར་ནས་གདན་དྲང་ཏེ། བོད་ཀྱི་ལྷ་རྗེ་སྔ་མ་རྣམས་ཀྱི་ནད་བཅོས་ལག་ལེན་ཁྲོད་དུ་དར་ཁྱབ་གང་ཆེ་ཡོད་པ་དེའི་སྐོར་ཡིན།

4 བོད་ཀྱི་གསོ་བ་རིག་པའི་གཞུང་ནས་བཤད་པའི་འཆི་བའི་རྣམ་པ།།

 འཆི་བདག་བདུད་བཅོམ་འཆི་བ་མེད་པའི་གོ་འཕང་མཆོག་བརྙེས་ནས།།

 འཆི་བས་འཇིགས་དག་འཆི་མེད་ལམ་མཆོག་མཆོག་ཏུ་བགྲོད་བྱེད་པའི།།

 འཆི་མེད་བདུད་རྩི་འཆི་བས་ཉེན་ལ་ཉེ་བར་སྟེར་མཛད་དེ།།

 འཆི་མེད་གོ་འཕང་ཀུན་ལ་བསྐྲུན་མཛད་སྟོན་པ་གང་དེར་འདུད།།

3 བོད་ཀྱི་གསོ་རིག་གི་སེམས་ཁམས་རིག་པའི་རྣམ་བཞག་མདོར་བསྡུས་སུ་བརྗོད་པ་ས་བོན་གྲུང་པོ་ཞེས་བྱ་བ།

                ཁམས་གསུམ་སྲིད་པའི་གཞི་དང་མྱང་འདས་ཀྱི།།

                རྩ་བར་གྱུར་ཅིང་ཤེས་བྱར་སྣང་བ་དང༌།།

                ངོ་བོ་སྟོང་པ་དབྱེར་མི་ཕྱེད་པ་ཡི།།

                རང་བཞིན་འོད་གསལ་སེམས་ཀྱི་གཤིས་ལ་འདུད།།

2 རེག་པ་རྩ་ལ་བརྟག་པའི་མདོ་གོ་སླ་བར་འགྲེལ་བ་ཆོས་འབྱུང་ཞལ་ལུང་བཞུགས་སོ།།

ཨོྃཨཐཱཿ

                ཚོགས་གཉིས་རིན་ཆེན་བྱེ་བས་ཡོངས་གཏམ་ཆོས་དབྱིངས་རྒྱ་མཚོ་ཆེན་པོའི་ཀློང༌།།

                སྙིང་རྗེའི་ནོར་རྒྱས་སྲུབ་ཐག་གིས་བསྐུལ་བྱང་ཆུབ་སྤྱོད་པ་མནྡ་རས།།

                ལེགས་པར་སྲུབ་པའི་སྙིང་པོ་ལས་འཁྲུངས་རྣམ་འདྲེན་ཉིན་མོར་བྱེད་པའི་མགོན།།

                སྲིད་གསུམ་སྣང་བྱེད་གཅིག་པུ་གང་དེ་ནུབ་པ་མེད་པར་རྒྱལ་གྱུར་ཅིག།

1 རྒྱུད་བཞིའི་སྡོང་འགྲེམས་ལྗོན་པའི་དབང་པོ་ཞེས་བྱ་བ་བཞུགས་སོ།།

༄༅།། ཨོྃཨཐཱཿ རིན་ཆེན་སེམས་ཀྱི་རྩ་བ་བརྟན།། རླབས་ཆེན་ཚོགས་གཉིས་ཡལ་ག་རྒྱས།། སྐུ་གསུམ་འབྲས་བཟང་སྙེ་མས་དུད།། སྨན་རྒྱལ་ལྗོན་པའི་དབང་པོར་འདུད།། རྣམ་དག་རྒྱུད་དགོངས་མངར་བའི་རོས།། གཏམས་པའི་མེ་ཏོག་འདི་ན་མཆིས།། བློ་ལྡན་དོན་གཉེར་བུང་བའི་ཚོགས།། གང་དག་འདི་ལ་སྤྱོད་པར་རིགས།།