ཁོ་བོའི་དཔྱད་རྩོམ་ནི་ནད་ཐོག་རིག་པའི་ཁོངས་གཉན་རིམས་ཀྱི་སྐོར་ཡིན། སྤྱིར་གཉན་རིམས་ནི་ཆེས་སྔ་མོའི་རྒྱ་བོད་ཀྱི་གསོ་རིག་གི་གཞུང་རྣམས་ནས་དངོས་སུ་བསྟན་པ་མེད་ཅིང༌། དུས་རབས་བརྒྱད་པར་ཆོས་རྒྱལ་ཁྲི་སྲོང་དང་ཇོ་མོ་མཚོ་རྒྱལ་གྱིས་སློབ་དཔོན་རིན་པོ་ཆེར་འབྱུང་འགྱུར་གྱི་བདེ་སྡུག་རྣམས་ལུང་བསྟན་ཞུས་པར། དུས་ངན་ལྔ་བདོར་སྔ་ན་མ་གྲགས་པའི་ནད་རིགས་སྣ་ཚོགས་འབྱུང་བར་གསུངས་པ་རྣམས་ཀྱི་ཆེད་དུ་དེའི་བཅོས་ཐབས་གསུངས་པར་གསོལ་བ་བཏབ་པ་བཞིན་བདུད་རྩི་བུམ་པའི་རྩ་བཤད་ཀྱི་རྒྱུད་རྣམས་གསུངས་པ་ཇོ་མོས་ཡི་གེར་བཏབ་སྟེ་གཏེར་དུ་སྦས་པ་ཕྱིས་རིམ་པར་ལས་ཅན་གཏེར་སྟོན་འགས་གཏེར་ནས་གདན་དྲང་ཏེ། བོད་ཀྱི་ལྷ་རྗེ་སྔ་མ་རྣམས་ཀྱི་ནད་བཅོས་ལག་ལེན་ཁྲོད་དུ་དར་ཁྱབ་གང་ཆེ་ཡོད་པ་དེའི་སྐོར་ཡིན།
Friday 15 April 2011
4 བོད་ཀྱི་གསོ་བ་རིག་པའི་གཞུང་ནས་བཤད་པའི་འཆི་བའི་རྣམ་པ།།
འཆི་བདག་བདུད་བཅོམ་འཆི་བ་མེད་པའི་གོ་འཕང་མཆོག་བརྙེས་ནས།།
འཆི་བས་འཇིགས་དག་འཆི་མེད་ལམ་མཆོག་མཆོག་ཏུ་བགྲོད་བྱེད་པའི།།
འཆི་མེད་བདུད་རྩི་འཆི་བས་ཉེན་ལ་ཉེ་བར་སྟེར་མཛད་དེ།།
འཆི་མེད་གོ་འཕང་ཀུན་ལ་བསྐྲུན་མཛད་སྟོན་པ་གང་དེར་འདུད།།
Subscribe to:
Posts (Atom)